Henry..................mbetet te Arsenal

Spekulimet e shumta disa mujore rreth asaj se ku do ta vazhdojë karrierën futbollisti i kombëtares franceze, Tieri Anri kanë marrë fund. Ndonëse shumëkush e ka menduar Anrinë me fanellën e Barcelonës në edicionin e ri, sulmuesi francez ka vendosur të qëndrojë në Arsenal. Të gjitha mediat evropiane në muajt e fundit janë marrë me parashikime rreth së ardhmes së Anrisë. Disa shkruanin se ai kishte arritur marrëveshje me Barcelonën, disa media theksonin mundësinë për të kaluar në Milan, e madje edhe në Real Madrid. Megjithatë, në fund doli se gazetarët janë ngutur në vlerësimet dhe parashikimet e tyre, ngase asnjëri prej këtyre opcioneve nuk doli i saktë. Ndodhi ajo që thuajse askush se ka parashikuar – Anri do të mbetet në Arsenal. “Dua të qëndroj tek Arsenali derisa të mund të ecë. Kurrë s’do të mund t’i braktisja këta tifozë të shkëlqyeshëm. Ata janë bërë për mua sikur të ishin anëtarë të famlijes. E dua Barcelonën, por në finalen e Ligës së Kampionëve u pa qartë se Arsenali ka shpirt luftarak, prandaj shpresoj se shumë shpejtë do të arrijmë marrëveshje me drejtuesit e Arsenalit për kontratën e re”, ka theksuar Anri, i cili në radhët e “topçinjve” erdhi në vitin 1999, pas një periudhe të shkurtë të kaluar tek Juventusi.

Shyqyr nje Lajm i mire !!!!
Sikur kete sezon shume lojtare te mire do mbeter ne Angli dhe ca te tjere do vjine ne Angli ----> Shevchenko ------> Ballack
Respekt per qindarkat e Abramovichit !!!!!